வெள்ளத்துயர்

வெள்ளத்துயர்

கார்கால பெருவெள்ளம்
கன்னல்நிகர் தலைநகரை
கலங்கவைத்த நிலைகண்டார்
கண்களில் வெள்ளம் வருகிறது

புயலில்லை பொங்கும் அலையில்லை
பூகம்பம் பூமியைப் பிழக்கவில்லை
வெள்ளத் துயர் துடைக்கும்
அரசொன்று இங்கு இல்லை

பொறுப்பற்ற அரசில் இயங்கும்
பொதுப்பணித்துறையின் உறக்கம்
பொல்லாத நிலை காட்டி மக்களை
புண்படுத்தி புலம்ப வைத்தது

அக்கறை காட்டும் அரசொன்றை
ஆக்கும் திறன் இல்லையென்றால்
அழிவும் அழுகையும் அவலமும்
ஆட்சி செய்து அலைக்கழிக்கும்

மக்களின் பொருள்பறிக்க
மனிதநேயம் சிறிதுமில்லா
வணிகர்களின் செயல் சிறிதும்
மறக்கக் கூடியதல்ல

விளம்பரத்தால் பொருளீட்டும்
விற்பனை வணிகர் நிலை
வீதியில் நின்று தவிப்போர்க்கு
விழிநீரைத் துடைக்கவில்லை